Kesheni kolledjdiń direktor orınbasarı A.Apsemetov kiris sóz benen ashıp, kelgen miymanlar menen tanıstirdı hámde Ájiniyaz atındaġı NMPI hám kolledjimizdiǹ birge islesiw tarawındaġi birge islesiwleri haqqında sóz etti, keleshektegi rejelerge toqtaldı hám Dene mádeniyatı fakulteti dekanı, biologiya IK, docent, Amangeldi Ótepbergenovqa sóz berdi.
Jaslarġa Ájiniyaz atındaǵı Nókis mámleketlik pedagogika institutınıń Dene mádeniyatı fakulteti tuwralı aytıp,professor-oqıtıwshılarınıń ilimiy dárejeleri, jetiskenlikleri hám fakultet oqıwshıları arasında, Jahan, Orta aziya oyınları jeńimpazları, Ózbekistan hám Qaraqalpaqstan Respublikası chempionları shıģıp atırģanlıģın maqtanısh penen tilge alıp ótti. Hámde 2023-2024 oqıw jılında Xojeli pedagogika kolledji pitkeriwshilerin Nókis mámleketlik pedagogika institutınıń Dene mádeniyatı fakulteti studenti bolıwına tilekleslik bildirdi.
Dene tárbiya kafedrası baslıġı D.Eshbaevtıń sózi: ol óz sózinde jaslardı kolledjdi tamamlap institutqa oqıwġa keliwi boyınsha tusinikler berdi. Institutta jaslarġa jaratılġan qolaylıqlar haqqında keǹ maġlıwmat berdi.
Ushırasıw soǹıǹda NMPI “Dene mádeniyatı” baġdarı student jasları tárepinen qatnasıwshılarġa sport túrleri boyınsha soraw juwaplar ótkerildi, juwmaqlay otırıp kolledj oqıwshıları arasında sporttıń, volleybol, strekbol, badminton hám varkaut 4 túri boyınsha ótkerilgen jarıs jeńimpazlarına Ájiniyaz atındaǵı Nókis mámleketlik pedagogika institutınıń Dene mádeniyatı fakulteti hákimshiligi tárepinen sıylıqlar saltanatlı túrde tapsırıldı.
