Kesheni kolledjdiń direktori A.Satullaeva kiris sóz benen ashıp, kelgen miymanlar menen tanıstirdı hámde Ájiniyaz atındaġı NMPI hám kolledjimizdiǹ birge islesiw tarawındaġi birge islesiwleri haqqında sóz etti, keleshektegi rejelerge toqtaldı hám dotsent, Suwretlew óneri hám texnologiyalıq tálim fakulteti dekanı Darmenov Janjayxanġa sóz berdi.
Suwretlew óneri hám injenerlik grafikası kafedrası asistent oqıtıwshı Joldasov Purxat shıġıp sóylep jaslarġa pedagogikalıq tálim – tarbiyalıq ugit násiyat jumıslari haqqinda óz tájiriybelerinen kelip shıġıp, bugingi kun pedagogikasınıǹ jaǹa tarawları haqqında keǹ turde sóz etti. Pedagogikanıǹ jaǹa tarawları bolġan neyropedagogika, korreksion pedagogika, injenerlik pedagogikası haqqında keǹ tusinik berip ótti.
Suwretlew óneri hám injenerlik grafikası stajer oqıtıwshısı Kalmuratov Baburdıǹ sózi: jaslar arasında salamat ortalıqtı qáliplestiriw protsessleri haqqında keǹ turde sóylep ustaz-shákirt máseleleriniǹ bugingi kungi jaġdayı, ustaz psixologiyası, oqıtıw usılları, shákirtleri menen munásibetleri, ustzadıǹ insanıy páziyletleri haqqında keǹ turde bayanat jasadı.
PhD suwretlew óneri hám injenerlik grafikası kafedrası baslıġı Mambetkadirov Gayratbay sózge shıġıp, jaslar arasında salamat ortalıqtı qáliplestiriw haqqında keǹ turde bayanat jasadı. Bugingi kundegi pedagogika pániniǹ aldında turġan wazıypalar haqqında tusinik berip ótti hám keleshekte bunday ushırasıwlardı elede janlandırıw zárurligi haqqında aytıp ótti. Sonday-aq kóp jıllardan berli Xojeli pedagogika kolledji menen NMPI pedagogika fakulteti arasındaġi baylanıslar uzaq dáwirlerge barıp taqalatuġınlıġı sóz boldı. Bunnan soǹ muzikalıq tálim kafedrası oqıtıwshısı R.Saparov shıġıp sóyledi.
Suwretlew óneri hám injenerlik grafikası kafedrası asistent oqıtıwshı Joldasov Purxattıǹ sózi: ol óz sózinde jaslardı kolledjdi tamamlap institutqa oqıwġa keliwi boyınsha tusinikler berdi. Institutta jaslarġa jaratılġan qolaylıqlar haqqında keǹ maġlıwmat berdi.
Ushırasıw soǹıǹda NMPI “Muzıka tálimi” baġdarı student jasları tárepinen qatnasıwshılarġa konsert baġdarlaması qoyıp berildi.